مرکزی برای احیای هویت راستین
مرکزی برای احیای هویت راستین
سهرێ ها وه دار ، سهر وه دارێگه
لهشێ ها وه دار ، لهشێ شارێگه
دڵێ ها وه دار ، هن دڵدارێگه
ئومێدێ مردهى کۆنه یارێگه
دهنگێ ها وه دار ، دهنگ وڵاتێگه
شین و شیوهنێ نهو وههارێگه
وڵاتێ ها دار ، کوردهوارێگه
هورمهزدێ ئهسیرێ سیا مارێگه
کاوهى ها وه دار ، درهوش دارێگه
ئومێدى خهڵکێ زێدێ مادێگه
خودایگ ها وه دار ، خوداى ڕاسێگه
ئهسیرێ خودایلێ حهق نهناسێگه
حهقێ ها وه دار ، یارێ حهقێگه
وه پاکى یهزدان و نویر شهفهقێگه
کوردێ ها وه دار ، وێنهى شێرێگه
دهرمهنهى دهردێ فکر و ویرێگه
ژیانێ ها دار ، تیره بهختێگه
تهنیا دهلیلێ تاج و تهختێگه
خوینێ ها وه دار ، خوینێ شارێگه
روڵهى وڵاتێ لهت و پارێگه
سهردهمێ ئیمه ، دهورهى تارێگه
دهسکردێ مهردمێ بهد پندارێگه
ئاینده بزان ، یه ئاسارێگه
هاوارێ تاریخێ مهینهت بارێگه
هاوارێ خوداى سهر وه دارێگه
هاوارێ تاریخێ مهینهت بارێگه
...
(وهحید کهماڵى )