X
تبلیغات
رایتل

" وەختێ هاناسە "

14 - خرداد‌ماه - 1396

هەی دڵ هایتە کوو بنوور وە یاران

بنوور وە خەڵکێ سەرگەشتەی دەوران   

بنوور وە خەڵکێ سەرگەشتەی دەوران

بنوور وە کوانگێ تەڕ و فیسێ خوەر

بنوور وە شەوگارێ بێ دەر و پەیکەر

ڕۆژهەڵات بییە جریتگای دێوەیل

خەم و پەژارە دە سینەی کوێیەیل

ڕەچەڵەی مادەیل بیە یادگار

مەگەر حەق بکەێ دەرمەنەی نەیار

خاکمان پاک بی ناپاکێ کردن

شەرەف و نامووس وە تاڵان بردن

مللەت پەریشان و ناپاک چوپی کیش

نە برا مەن و نە دووس و نە خێش

فرەی بین وە جاش و نەوکەرێ دوژمن

ژن بییە پیتار و پیا بی وە ژن

بەشەر ناپاکە ، گەردون تو ئەڕا ؟

شکوو شکانی و شێخ کردی وە شا

لەکەدار کردی ڕوخسارێ زەردت

تف لە ئەزەل و تف لە ئەبەدت

داوو هایتە کوو کاو سوارێ یار ؟

یاری و یاران کیشیان وە دار

ڕەنگێ قرمزێ ڕوخسارێ یارەیل

چەرمگەو بییە وە سینەی دارەیل

وەختێ هاناسە ، بووە فریارەس

بسین دە ناحەق تەقاسێ بێکەس

شەوگارێ تاریک بکە ڕوشنا

کەمتار و چەقەڵ گشت بکە فەنا

بڕەس وە هانای یارەیلێ گیانیت

گیانم وە فدات و ژیان قوربانیت
.
.
و.ک