" گاڵ "

 دڵم پەروەرەی کوردە ماڵێگە

گیانم ئەسیرێ نازێ خاڵێگە  

چیەمم پڕ دە ئەسرێ ئەورێ تارێگە

لەشم مەینەت کیشێ عومرێ تاڵێگە

سەرم پڕ سەودای خیاڵ بارێگە

خیاڵم مەستە یە چەن ساڵێگە

لێوم هەلوولگێ ماچێ خامێگە

ویرم ئاوارەی ڕێگای شارێگە

دەسم وە دامانێ پاکێ یارێگە

ماڵم دە ئاسۆی تەم و تارێگە

سینەم وە حەسرەتێ زوڵوماتێگە

سخانم هڕووشێ بەختێ خاکێگە

فەڵەک دی بەسە ، تازە ساڵێگە

دڵم گیرودەی نوو وەهارێگە

شاهینێ بەختم ، وەچێ داڵێگە

دونیا تا وە سەر ، گەپ و گاڵێگە

.

(وەحید کەمالی)