X
تبلیغات
کالج کارآفرینی تیوان

" خیاڵ حەقە "

14 - خرداد‌ماه - 1396
من و خیاڵ و پەیکێ دە ئاگر
دە سینەی دڵدار کوتایمن چادر
خیاڵ ساقی بی ،من و پەیک باقی

خیاڵ دڕشان پەیکیش سوڕاحی


 منیش سەرسەنگین ئالوودەی خەم بیم
مەدهووش و لێوەی حوزورێ جەم بیم
پەیک هاوار دکرد خیاڵ دی بەسە
ئێرە پیرۆزەو ئی شێتە مەسە
خیاڵ دزانس دەرمانێ دەردم
دەرمانێ ناڵەو هەناسەی سەردم
پەیک خەمم دخوارد نەکەی مەس بووم
نەکەی هەراسان و شەیدای کەس بووم
وت وەحید مەکە مەردی نەماگە
ڕەگێ نامەردی ڕیشە کوتاگە
وتم هەی پەیکێ دەرمەنەی دەوران
کارێ خوەت بکە وە دڵ و وە گیان
خیاڵ یارمە و حەق ها دیارم
خیاڵیش یارە خوەی کەرێ چارم
منیش دەرمەنەی دەرگای یاریێم
وامەنەی عشق و زامێ کاریێم
وتم وە خیاڵ گووش مەیە وە پەیک
ئوقەرە بەی پیم تا گونام گوڵ خەیگ
من سەرسپوردەی جەمخانەی عشقم
لە فراغێ یار یەی دارێ هشکم
ئۆقەرە بەی وەم تا بەرگ بدڕم
ئایینێ یاری وە دڵ بچڕم
بچم وە جەرگەی یارانێ گیانی
درام دە قەوای ئی دونیای فانی
.
.
وه حید که مالی ئیلامی