" هەی دڵ "

هەی دڵ چە دیتە دە دیدەی دڵدار ؟

چە دیتە دە ئاسۆی وتەی بێ کردار؟

 

هەی دڵ چە خوازی دە ئاسارەی سۆ ؟

ئەڕا ناڵنی وە رۆژ و وە شەو ؟

هەی دڵ کەم بکە خراو و مەستم

کەم بکە شەیدا و بادە پەرەستم

مەگەر نیەوینی چەرخەگەی چەپگەرد

مەرد کردە نامەرد و نامەردیش وە مەرد

مەگەر نیەشنەوی قرچەی سقانم

ئاگر کەفتگە دە روح و گیانم

دەردێ وڵاتێ بێ دەسەڵاتم

پیتاراو بییە قەڵای خەباتم

دەشتێ دڵبەری بێ میلکان بییە

فەرهای وە داخێ شیرین نیشتیە

سازنەچییەیل چەمەری ژەنن

ڕوڵەیلێ خیرەت ئەسیرێ بەنن

هەی دڵ دی بەسە فرێوم نەیە

ڕێی ها نوام بێ بن و پەیە

هەی دڵ ولم کە داخم گرانە

عشق و ئەوینم پەی نیشتمانە

12-5-2015 سلیمانیه

(وەحید کەماڵی )