"کوردنامە"

باکووری وڵات کردن وە خاپیر

تورکەیلێ بەربەرێ دە وجدان وە دویر  

خوینێ باکوورم ڕێیەو گرتگە

دجڵەو فوراتم سوورەو کردگە

تەرم وە بانێ تەرم ، روڵەیلێ کوردم

نکێ نائومێد و هەناسەی سەردم

هەی داد هەی بێداد وە دەسێ دەوران

وە دەسێ جاشێ توخمێ بغەیران

ئەی یەزدانێ پاک ،سەرکردەی قەهار

ڕیشەی ئی زوڵمە دە بنەو درار

ئەفاقەی بکە وە شمشێرێ حەق

کورد و کوردستان کردن بێ ڕەمەق

وڵات دویر بکە دە تەمای گورگەیل

دە فتنەی فارس و عەرەو تورکەیل

.
(و.که مالی)