" بیشن وە دەلیل"

پیشکه ش وه ئوستاد " حشمه ت مه نسووری کورد " شاعر گرانمایه ی ئیلام و گشت دووسداره یلی  

بیشن وە دەلیل پەیکم خالیە

زامەگەی دڵم فرە کاریە

بیشن وە دەلیل ،دەلیلێ بارێ

وە کەڵامێ خوەی ڕەحمەت بوارێ

بیشن وە دەلیل مانێشت تەنیاس

دەسێ دە یەخەی دڵبەر بڕیاس

بیشن وە دەلیل دڵ دڵبەر خوازێ

بچوو وە هانای ، بکیشێ نازێ

بیشن وە دەلیل دووسەیل بێ دووسن

یارەیلێ گیانی سقان و پووسن

بیشن وە دەلیل وێژدەروەن چووڵ بی

قیقەی نازارەیل دە سینە کوور بی

بیشن وە دەلیل لەیل ها دە ئاسۆ

تشنەی دەلیلە شەوان تاوە سوو

بیشن وە دەلیل قەسەم وە گیانێ

قەسەم وە بەزمێ نام دیوەخانێ

بیشن وە دەلیل پەڕ و باڵ نەمەن

ئەسبابێ خوەشی کردن ڕیشە کەن

بیشن وە دەلیل میعادگا چووڵە

دڵبەر هەراسان و دڵێ پڕ هووڵە

بیشن وە دەلیل شێر دیمە دە خەو

ئەی هەم ها ویرێ یارێ هامڕکاو

وت وەقتێ نووش کەی شەراوێ جامێ

منیش ئیشم نووش دونیا وە کامێ

بیشن وە دەلیل یادێ ها دە دڵ

ئاگرێ شعرێ ها دە گیان و کڵ
.
.
(و.کەمالی)
20-2-2016 سلیمانیه