X
تبلیغات
کالج کارآفرینی تیوان

" کاو سوار "

14 - خرداد‌ماه - 1396

کەفتمە وە ناو حەڵقەی نادیار
من خومارێ حەق ، دڵیش خاوەنکار
دڵ بەزمێ شادی کردگە نیشان
مەجلسێ پیران بی وە نامنیشان 


 کەڵام نمازم ، یار بی نیازم
تەنها حەق زانێ وە مەعنای ڕازم
هەی دڵ خوەت بکە وە قوروانێ حەق
بکە نیایش شەو تا وە شەفەق
بچڕ وە داوود دە قورنێ دڵت
تا ئاگرێ حەق بخەیگ وە کڵت
ئەی پیرێ دونیا دەسم وە دامان
بڕەس وە هانای ڕەچەڵەی کوردان
ئەی یارێ یاران تو فریاڕەسی
ئێمە دەرمەنەیم تو تەنیا کەسی
دوارە زین کە کاوێ سەرکیشت
تا قوربان بوویم دە سایەی ڕیشت
یا حەق خوەت بووە شمشێرێ کوردەیل
هێزێ خوەت بکە وە لافاو و سەیل
ڕیشەکەن بکە نەیارەیلێ حەق
نویرێ خوەت بکە ڕوشنایێ شەفەق
من و یارەیلم هایمە پەی یاری
بکە ئەفاقە، تو کاو سواری
نویرێ حەق بکە وە ڕوشنای ژیان
منیش قورانی وە دڵ و وە گیان
.
وەحید کەماڵی