"منم کەریم خان"

منم کەریمم سەردارێ جەنگم

پەروەردەی زاگروس و ئێ ئێلێ زەندم

منم سەردارێ ئەرتەشێ یاری

سوارێ خوەرم ڕۆڵەی دیاری

  

منم کەریم خان لەکێ ئێ کوردان

ئەڕا نیشتمان گیان کردم قوربان

منم ڕوڵەگەی هەراسانێ یار

شێرەگەی جەرگەی مەیدانێ کارزار

عداڵەت پیشەم وە وێنەی شمشێر

چی یەکن ئەڕام هەم فەقیر هەم تێر

منم خانەگەی لەکێ دیاری

زێدەکەم زاگروس ئایینم یاری

بیمە یەساوڵ ئەڕا وڵاتم

ئەڕا مەسکەن و مەردم و خاکم

کەریم ناممە کرامەت پیشەم

تا ڕۆژێ ئەبەد مەمینێ ڕیشەم

وەسییەت دیرم وە هوزێ شێران

وە لەک و لوڕ و کرمانج و گۆران

وە کەڵهڕ و جاف و خێلەگەی سۆران

وڵاتم بکەن ئازاد چی جاران

.

.

وەحید کەمالی